Թուրքիայում վիճում են ֆուտբոլի հավաքականի տեսահոլովակի շուրջ

Թուրքիայի ֆուտբոլի ազգային հավաքականը 24 տարվա դադարից հետո մասնակցում է ֆուտբոլի աշխարհի առաջնությանը։ Նշենք, որ այն անցկացվում է հունիսի 11-ից հուլիսի 19-ը Ամերիկա աշխարհամասի միանգամից երեք երկրներում՝ Մեքսիկայում, ԱՄՆ-ում և Կանադայում։

Թուրքիայի ֆուտբոլի ազգային հավաքականի մասնակցության կապակցությամբ Թուրքիայի իշխող «Արդարություն և զարգացում» (AKP-ԱԶԿ) կուսակցության կողմից պատրաստվել ու ֆուտբոլի ազգային հավաքականի պաշտոնական էջում է տեղադրվել «Դուք բոլորդ, մենք Թուրքիան ենք» տեսահոլովակը։

Տեսահոլովակը և երգի բառերը սոցհարթակներում թեժ քննարկումների տեղիք են տվել։ Օգտատերերը գրել են, որ հավաքականի օրհներգը և տեսահոլովակները պետք է պատրաստվեն Թուրքիայի ֆուտբոլի ֆեդերացիայի կողմից, այլ ոչ թե քաղաքական կուսակցությունների կամ Էրդողանի հանձնարարականով։

Տեսահոլովակում առկա են նաև կադրեր Թուրքիայի ռազմարդյունաբերական ոլորտից, թուրքական «TOGG» էլեկտրական ավտոմեքենայից, ինչի վերաբերյալ օգտատերերը նշում են, որ դրանք ինչ կապ ունեն այդ ոլորտները չպետք է խառնել սպորտի հետ։ Օգտատերերից մեկն էլ տեսահոլովակի վերաբերյալ գրել է. «Պատերազմ ենք գնում, թե՞ աշխարհի առաջնության»։

Աղբյուր՝ Haber7