«Թուրքիայի մարդու իրավունքների հիմնադրամը» (TİHV) և «Մարդու իրավունքների միությունը» (İHD) դեկտեմբերի 10-ին համատեղ հայտարարություն են տարածել՝ մարդու իրավունքների համաշխարհային օրվա առթիվ: «Մարդու իրավունքների համընդհանուր հռչակագրի» ընդունման 77-րդ տարելիցին հրապարակված տեքստում անդրադարձ է կատարվել իրավունքների խախտման տեղանկյունից Թուրքիայում տիրող իրավիճակին:
Տեքստում, ուշադրություն հրավիրվելով համաշխարհային մակարդակում առկա հումանիտար խնդիրների վրա, կոպտորեն քննադատվում է Թուրքիայում գործող «OHAL» (արտակարգ իրավիճակային) ռեժիմի կարգավորումները, ինչպես նաև բանտերում առկա մեկուսացումը և հոգաբարձուների (Քայյում) նշանակման քաղաքականությունը:
Բացի այդ, Թուրքիայում առաջատար մարդու իրավունքների կազմակերպություններ համարվող «İHD»-ն և «TİHV»-ն հրապարակել են երկրում առկա իրավիճակի վերաբերյալ համապարփակ զեկույց: «Մենք համառորեն պաշտպանում ենք խաղաղության, ժողովրդավարության և մարդկանց իրավունքների միությունները՝ որոնք դեմ ենք անհավասարությանը, անարդարությանը, աղքատությանը, դիսկրիմինացիային և պատերազմին» վերնագրով զեկույցում ընդգծվում է, որ համընդհանուր իդեալները վաղուց ետևում են մնացել, իսկ համաշխարհային հումանիտար իրավունքի մեխանիզմը գտնվում է խորը ճգնաժամում:
Զեկույցում հատուկ տեղ է վերապահվել 2025-ին առկա բռնարարության/խոշտանգման ընկալմանը և դրա դրսևորմանը, որը Թուրքիայում հանդիսանում է մարդու իրավունքների ոլորտում առկա ամենաառաջանհերթ ու դոմինանտ խնդիրը: Շեշտվում է, որ բռնությունը դրսևորվում է ոչ միայն պետական կալանավայրերում, այլ նաև փողոցներում և տներում:
«Քաղաքական իշախության ճնշման և վերահսկման վրա հիմնված կառավարման մեթոդի արդյունքում մեր օրերում ամբողջ երկիրը գրեթե վերածվել է բռնության վայրի/ որջի»:
Աղբյուր՝ Agos
