«Թուրքիայի վիճակագրական ինտիտուտը» տվյալներ է հրապարակել երկրում առկա ծնելիության ցուցանիշների վերաբերյալ: Ըստ այդմ՝ 2025-ի 7 ամսվա ընթացքում ծնվել է 503.000 երեխա, իսկ մահացել՝ 294.824 մարդ:
«Ընթացիկ տարվա համար ամսական ծնունդների և մահվան թվերի վերաբերյալ տեղեկատվություն» զեկույցի համաձայն՝ այդպիսի ցուցանիշով ծնելիության մակարդակը նախորդ տարվա՝ 2024-ի, նույն ժամանակահատվածի համեմատ նվազել է 8.3 տոկոսով, իսկ մահվան մակարդակն աճել՝ 0.7 տոկոսով:
Զեկույցում ընդգծվել է, որ վերջին տարում Թուրքիայում ծնելիության մակարդակում կտրուկ և կայուն անկում է գրանցվում, ինչը ցույց է տալիս, որ բնակչությունն արագորեն կորցնում է վերարտադրողական կարողությունը: Շեշտվում է, որ ներկայիս տվյալների համաձայն՝ այժմ ծնելիության մակարդակի բարձրացումն ավելի շատ է պետք, քան նախկինում:
Թեմայի վերաբերյալ տարածվող լուրերը թուրքական մամուլում վերնագրվում են հիմնականում հետևյալ կերպ. «Թուրքիայի բնակչությունն ահազանգում է»:
Աղբյուր՝ Nefes
