Թուրքիան շարունակում է ակտիվացնել էներգետիկ համագործակցությունn Աֆրիկայում։ Ռեջեփ Թայիփ Էրդողանը Եթովպիայի վարչապետ Աբիյ Ահմեդ Ալիի հրավերով պաշտոնական այցով մեկնել է Ադիս Աբեբա։ Այցի շրջանակում ստորագրվել է էներգետիկ ոլորտում համագործակցության հուշագիր։
Էրդողանի գլխավորած պատվիրակության կազմում ընդգրկված Թուրքիայի էներգետիկայի և բնական պաշարների նախարար Ալփարսլան Բայրաքթարը և Եթովպիայի ջրային և էներգետիկայի նախարար Հաբթամու Իտեֆան ստորագրել են «Էներգետիկ ոլորտում համագործակցության մասին» հուշագիրը։ Փաստաթուղթը նախատեսում է համատեղ նախագծեր էլեկտրաէներգիայի արտադրության, վերականգնվող էներգիայի ներդրումների, էներգաարդյունավետության, հիդրոէլեկտրակայանների սարքավորումների և ցանցային ենթակառուցվածքների զարգացման ուղղություններով։
Այցի շրջանակում տեղի է ունեցել նաև Թուրքիա–Եթովպիա Համատեղ տնտեսական հանձնաժողովի 9-րդ նիստը։ Կողմերը վերահաստատել են երկկողմ առևտրաշրջանառությունը 1 մլրդ դոլարի հասցնելու նպատակը՝ նախատեսելով խորացնել համագործակցությունը էներգետիկայի, գյուղատնտեսության, առողջապահության, կրթության և այլ ոլորտներում։
Աղբյուր՝ mansethaber.com
