Թուրք ըննդիմադիր գործիչը քննադատել է Նեթանյահուին՝ Էրդողանին «քրդասպան» ասելու համար

Թուրքիայի գլխավոր ընդդիմադիր ուժ համարվող «Ժողովրդահանրապետական» կուսակցության (CHP-ԺՀԿ) նախագահ Օզգյուր Օզելն անդրադարձել է Իսրայելի վարչապետ Բենիամին Նեթանյահուի և պաշտպանության նախարար Իսրայել Կացի՝ Էրդողանի հասցեին արած հայտարարություններին։ Նշենք, որ նրանք Էրդողանին անվանել էին «Քուրդ քաղաքացիներին սպանող մարդ», իսկ իրենց ներկայացրել որպես քրդերի հետ համերաշխության մեջ գտնվողներ։

Օզելը մեկնաբանել է վերոնշյալ հայտարարությանը և ընդգծել. «Դա ուղղակի անպատկառություն է, որ ձեռքերն արյունոտ ու մանկասպան, երեխաներին ու անմեղ մարդկանց կոտորող ցեղասպանի հայտարարությունը թիրախավորում է Թուրքիայի Հանրապետության նախագահի պաշտոնը զբաղեցնող անձին։»։

Ընդդիմադիր կուսակցապետը նաև հավելել է, որ այդ հարցում Թուրքիան բոլոր առումներով Իսրայելի դեմ է ու նրանք չեն գտնի գեթ մեկ CHP-ական անդամի, որը կկանգնի Իսրայելի կողքին:

Աղբյուր՝ Oksijen