Թուրքական ԶԼՄ-ները լայնորեն անդրադարձել են մայիսի 4-ին Երևանում կայանալիք Եվրոպական քաղաքական համայնքի (ԵՔՀ) գագաթնաժողովին Թուրքիայի նախագահին ուղարկված մասնակցության հրավերին։ Հրապարակումներում նշվում է, որ Էրդողանին Երևան գնալու հրավեր է ուղարկվել և Թուրքիան նախկինում 3 անգամ մասնակցել է այդ գագաթնաժողովներին։
Անդրադառնալով հրավերի նշանակությանը՝ հրապարակումներում, ընդգծվում է, որ սա տեղի է ունենում երկու երկրների հարաբերությունների կարգավորման գործընթացի համատեքստում։ Լրատվամիջոցները նշում են, որ Էրդողանի չմասնակցելու դեպքում Թուրքիան այլ մակարդակով ներկայացված չի լինի, քանի որ կանոնները թույլ են տալիս միայն երկրների առաջնորդների մասնակցություն։
Նաև հիշեցվում է Էրդողանի մասնակցության պատմությունը. նա ներկա է գտնվել Պրահայի (2022), Բուդապեշտի (2024) և Տիրանայի (2025) հանդիպումներին, սակայն բաց է թողել Իսպանիայում, Մոլդովայում, Մեծ Բրիտանիայում և Դանիայում անցկացված գագաթնաժողովները։
Աղբյուր՝ BBC Türkçe
