Եվրոպայի հարավում օրեր շարունակ չդադարող անտառային խոշոր հրդեհները լուրջ մարդասիրական ճգնաժամ են առաջացրել Իսպանիայում և Ֆրանսիայում: Բնակավայրերին և տրանսպորտային հանգույցներին կրակի մոտենալու պատճառով երկու երկրներում տարհանվածների թիվը հասել է 310.000-ի:
Թուրքիան, արձագանքելով Մադրիդի օգնության խնդրանքին, 2 հրդեհաշեջ ինքնաթիռ է ուղարկել Իսպանիա: Թուրքիայի գյուղատնտեսության և անտառային տնտեսության նախարար Իբրահիմ Յումաքլըն նշել է, որ աջակցությունը ցուցաբերվել է «բարեկամ երկրի» խնդրանքով՝ ընդգծելով միջազգային համերաշխության կարևորությունը:
Իսպանիայում հրդեհներն ընդգրկել են Մադրիդի և Վալենսիայի շրջանները. կա 1 զոհ, իսկ տարհանվածների թիվն անցնում է 60.000-ը: Ֆրանսիայի հարավ-արևմուտքում էլ՝ Ժիրոնդայի շրջանում, մոխրացել է ավելի քան 42.000 հեկտար տարածք, ինչը 1949-ից ի վեր ամենախոշոր աղետն է երկրում:
Այս դեպքում տարհանվել է ավելի քան 220.000 մարդ, փակվել են Բորդոյի ուղղությամբ ավտոճանապարհներն ու երկաթգծերը: Տարածքը շրջափակելու համար իշխանություններն ուղարկել են 1500 զինվորական, իսկ իրավապահները ձերբակալել են 3 կասկածյալի:
Երկու երկրներում էլ հայտարարված է տագնապի ամենաբարձր աստիճան, իսկ եղանակային անբարենպաստ պայմանները բարդացնում են հրդեհաշիջման աշխատանքները:
Աղբյուր՝ Rudaw
