Թուրքիայի կողմից ահաբեկչական ճանաչված «Քուրդիստանի բանվորական կուսակցության» (ՔԲԿ-PKK) հիմնադիր-առաջնորդ Աբդուլլահ Օջալանի հետ բանակցություններ վարող «Իմրալըի պատվիրակությունը» նախատեսում է հանդիպել Թուրքիայի նախագահ Ռեջեփ Թայիփ Էրդողանի հետ:

Այս մասին հայտարարում է Թուրքիայի ընդդիմադիր «Ժողովուրդների հավասարություն և ժողովրդավարություն» կուսակցության (DEM) խորհրդարանական խմբակցության ղեկավար Գյուլիստան Քըլըչ Քօչյիղիթը:

Վերջինս այդպիսի հայտարարությամբ հանդես է եկել «İlke TV»-ում հեռարձակվող ծրագրի շրջանակներում:

«Կարող է շատ ավելի ճիշտ լինել, որ այդ մասին հայտարարի թե՛ Իմրալըի պատվիրակությունը, թե՛ գուցե նաև պարոն նախագահի մամուլի ծառայությունը»,- հավելել է նա:

Նշենք, որ հանդիպման կայանալու պարագայում այն լինելու է Էրդողանի և այդ պատվիրակության 3-րդ հանդիպումը. Առաջին հանդիպումը տեղի էր ուենցել ապրիլի 10-ին, իսկ երկրորդը՝ հուլիսի 7-ին:

Աղբյուր՝ Artıgerçek