Ապրիլի 8-ին Թուրքիայի նախագահ Ռեջեփ Թայիփ Էրդողանի գլխավորությամբ գումարվելու է Անվտանգության խորհրդի (ԱԽ) նիստ: Գլխավոր օրակարգային հարցը լինելու է ապրիլի 7-ին Ստամբուլում տեղի ունեցած զինված հարձակումը, ինչը պաշտոնական Թուրքիան որակել է ահաբեկչական ակտ: Նիստի ընթացքում քննարկվելու են նաև Մերձավոր Արևելքում տիրող իրավիճակը, ինչպես նաև Թուրքիայի ազգային անվտանգությանը վերաբերող հարցեր:
Նաև անդրադարձ է կատարվելու Ադանայում և Սևծովյան տարածաշրջանում ՆԱՏՕ-ի կորպուսների ստեղծման աշխատանքներին: Տեղի կունենա «Թուրքիան առանց ահաբեկչության» տեսլականի շուրջ քննարկում: Ուշադրություն է դարձվելու վերջին 1.5 տարվա ընթացքում գրանցված զարգացումներին:
ԱԽ նստի օրակարգային հարցերից է լինելու է 20 զինվորի կյանք խլած «C-130» տիպի ռազմական բեռնատար ինքնաթիռի կործանման մասին զեկույցի ուսումնասիրությունը: Զեկույցը նախատեսվում է հանրայնացնել ապրիլի 9-ին: Ինքնաթիռն ընկել էր Վրաստանի տարածքում:
Հիշեցնենք, որ ապրիլի 7-ին Ստամբուլում Իսրայելի գլխավոր հյուպատոսության շենքի մոտ կրակոցներ էին հնչել: Դեպքի վայր ժամանած ոստիկանները վնասազերծել էին 3 անձի, որից 2-ը մահացել էր, իսկ 1-ը՝ վիրավորվել: Թուրքական մամուլում շրջանառվող լուրերի համաձայն՝ նախնական տվյալներով այն եղել էր հարձակում Իսրայելի ներկայացուցչության վրա, որտեղ սակայն աշխատակիցներ չէին եղել:
Աղբյուր՝ TRT Haber
