Թուրքիայում անցկացվել է «Ծերացման քաղաքականությունը Թուրքիայում» թեմայով քննարկում։ Նշվել է, որ ծերացման հարցը ամենակարևոր անցումային գործընթացներից մեկն է, որը կձևավորի երկրի առաջիկա ժամանակահատվածի քաղաքականությունը:
Ներկայացվել է Թուրքիայում արագ ծերացող բնակչության կառուցվածքը և աղքատության խնդրով պայմանավորված ծերացման վտանգները: Գլխավոր զեկուցող Օզգյուր Արունը ներկայացրել է Թուրքիայի ծերացման մակարդակի վերաբերյալ տվյալներ: Ըստ այդմ՝ Թուրքիայի տարեց բնակչությունը գերազանցում է բնակչության 10%-ը՝ հայտնվելով «շատ տարեց հասարակություն» կատեգորիայում։ Նշենք, որ Թուրքիայի բնակչությունը կազմում է 86 մլն։
Օզգյուր Արունը նաև շեշտել է, որ արագ ծերացմանը նպաստող հիմնական գործոններից աղքատությունը: Ըստ նրա՝ Թուրքիայի ամենամեծ խնդիրն աղքատության պատճառով արագ ծերացումն է: Նա նաև անդրադարձել է տարեցների նկատմամբ բռնության կիրառմանը, նրանց շահագործմանն ու անտեսմանը։ Ըստ նրա՝ 2025-ին Թուրքիայում տարեցների նկատմամբ կիրառվել է մարդու իրավունքների 2205 խախտում։
Աղբյուր՝ Egealternatif.com
