Թուրքիայի տրանսպորտի և ենթակառուցվածքների նախարարության Տեղեկատվական տեխնոլոգիաների և կապի վարչությունը ներկայացրել է 2025-ի 4-րդ եռամսյակի հաշվետվությունը էլեկտրոնային հաղորդակցության մասին։ Ինտերնետային տվյալահոսքի (տրաֆիկ) կառուցվածքի վերլուծությունը ցույց է տվել, որ հոսքային մեդիայի (streaming media) օգտագործումը Թուրքիայում առաջատար է՝ 65.8 տոկոս ցուցանիշով։
Ընդհանուր ինտերնետային տրաֆիկում ամենամեծ բաժինը պատկանում է YouTube-ին՝ (44.3%), որին հաջորդում են Instagram-ը՝ (17%) և TikTok-ը՝ (4.7)%։ «Հոսքային մեդիա» կատեգորիայում ևս առաջատար է YouTube-ը՝ (57.2%) մասնաբաժնով, որին դարձյալ հաջորդում են Instagram-ը՝ (16.8%) և TikTok-ը՝ (6.1%)։
Այս տվյալները ցույց են տալիս, որ Թուրքիայում վիդեոհարթակները առանցքային դեր ունեն թվային մեդիայի սպառման մեջ և օգտատերերի վարքագիծը մեծապես հիմնված է հենց վիդեոբովանդակության սպառման վրա։ Ակնթարթային հաղորդագրությունների ոլորտում 1-ին տեղը զբաղեցնում է Instagram-ը՝ (64.1%), որին հաջորդում է Facebook-ը՝ (15.2%): Իսկ ինտերնետի միջոցով ձայնային հաղորդակցության ոլորտում առաջատար WhatsApp հավելվածն է (55.9%)։
Աղբյուր՝ trthaber.com
