ԱՄՆ պետքարտուղար Մարկո Ռուբիոն հայտարարել է, որ Գազայում հրադադարի գործընթացի շրջանակում Թուրքիայի և Եգիպտոսի հետ անցկացվող դիվանագիտական շփումներից «հուսադրող ազդակներ» են ստացվել։
Ռուբիոն նշել է, որ Վաշինգտոնը տեսնում է առաջընթաց ՀԱՄԱՍ-ի զինաթափման և Գազայի ապառազմականացման ուղղությամբ։ Նրա խոսքով՝ առաջիկա օրերին Անկարայի և Կահիրեի հետ բանակցություններից հնարավոր են դրական նորություններ։
ԱՄՆ պետքարտուղարը ընդգծել է, որ Թուրքիան շարունակում է կարևոր դեր ունենալ տարածաշրջանային միջնորդական գործընթացներում և ակտիվորեն ներգրավված է Գազայի հարցով քննարկումներում։ Նա նաև անդրադարձել է Իրանի շուրջ տիրող իրավիճակին՝ հայտարարելով, որ Թեհրանի նկատմամբ ճնշումները կարող են ավելի ուժեղացվել։
Աղբյուր՝ Türkiye Gazetesi
