Թուրքիայում ՆԱՏՕ-ի բազմազգ կորպուսի ստեղծման աշխատանքները սկզբնական փուլում են

Թուրքիայի պաշտպանության նախարար Յաշար Գյուլերը պատասխանել է խորհրդարանական հարցմանը՝ կապված երկրում ՆԱՏՕ-ի նոր շտաբ ստեղծելու մասին տեղեկությունների հետ: Նա նշել է, որ շտաբի ձևավորման աշխատանքները շարունակվում են, սակայն դրա բազմազգ կարգավիճակը դեռևս չի հաստատվել։

Գյուլերը նաև խոսել է «Բազմազգ կորպուս Թուրքիա» (MNC-TÜR) անվամբ կառույցի մասին, որի ստեղծման շուրջ թուրքական կողմը ՆԱՏՕ-ին տեղեկացրել է 2024 թվականին։Նա նշել է, որ շտաբը գործելու է Թուրքիայի ենթակայությամբ և թուրք գեներալի հրամանատարությամբ, իսկ այս փուլում իրականացվել են միայն հիմնական անձնակազմի նշանակումները։

Աղբյուր՝ Ekonomi Gazetesi