Թուրքիայի նախագահ Ռեջեփ Թայիփ Էրդողանը պետական խորհրդի (բարձրագույն վարչական դատարան) հիմնադրման 158-րդ տարելիցին և վարչական դատավարության օրվան նվիրված միջոցառման ժամանակ ընդգծել է անկախ և անաչառ դատական համակարգի կարևորությունը՝ իրավական պետության համար։
Էրդողանը նշել է նաև, որ իրավական պետությունը ենթադրում է, որ պետության բոլոր կառույցներն ու մարմինները գործեն օրենքի շրջանակում։ Նա նաև հայտարարել է, որ վերջին 23 տարում իրականացված օրենսդրական և կառուցվածքային բարեփոխումների շնորհիվ ամրապնդվել է «լավ կառավարման» գաղափարը, իսկ պետական կառավարման համակարգում «առավել անմիջական է դարձել ժողովրդի կամքի դերը»։
Աղբյուր՝ Trt Haber
