Թուրքիայի նախագահ Ռեջեփ Թայիփ Էրդողանի կրտսեր որդին՝ Բիլալ Էրդողանը մասնակցել է Միջերկրածովյան տարածաշրջանային ռազմավարության նիստին, որտեղ անդրադարձել է մարդկանց աշխատանքային կյանքին ու վաղաժամ կենսաթոշակի անցնելուն։ Նա քննադատել է վաղաժամ կենսաթոշակի անցնելը և նշել, որ Թուրքիայում վաղաժամ թոշակի են անցնում 45 տարեկանում, իսկ այլ երկրներում թոշակառուներն աշխատում են նույնիսկ 70 տարեկանում։
Նա վաղաժամ կենսաթոշակի անցնելու ծրագիրը որակել է որպես «սպառնալիք», որը հասարակությանը մղում է դեպի ծուլության։ Ըստ նրա՝ վաղաժամ կենսաթոշակի անցնելը ևս ազդում է երկրի տնտեսության վրա ու մատնանշել է, որ Թուրքիան 2025-ին աղքատության ինդեքսով դարձել է աշխարհի 3-րդ երկիրը, որը բախվում է տնտեսական դժվարությունների: Նշենք, որ այս ցուցանիշով Թուրքիան զիջում է միայն Վենեսուելային ու Սուդանին։
Դրա հետ մեկտեղ նա նշել է, որ աշխատող թոշակառուների թիվը մեծացել է։ Մասնավորապես 2020-ի փետրվարի դրությամբ այդ թիվը կազմել է 746.766, իսկ 2026-ին հասել է 2 մլն 130.020-ի։ Մասնագետները նշում են, որ թոշակառումներն աշխատում են լրացուցիչ եկամուտ ունենալու համար, քանի որ դա չի բավականացնում շարունակվող գնաճի պայմաններում։
Աղբյուր՝ Cumhuriyet.com
