Թուրքիան և Իրաքը համաձայնագիր են ստորագրել Իրաք-Թուրքիա հում նավթի խողովակաշարով (Քիրքուկ-Ջեյհան) ևս մեկ տարի մատակարարումներ իրականացնելու վերաբերյալ:
Թուրքիայի էներգետիկայի նախարարությունում կայացած ստորագրման արարողությանը մասնակցել են թուրքական պետական «BOTAŞ», իրաքյան պետական «SOMO» և Քիրքուկի նավթի արդյունահանմամբ զբաղվող «NOC» ընկերությունները: Համաձայնագրով նախատեսվում է նշյալ ընկերություններին տրամադրել օրական 750.000 բարել նավթի տեղափոխման թողունակություն:
Նշենք, որ երկու երկրների միջև հում նավթի մտակարարումների վերաբերյալ գործող համաձայնագիրը Թուրքիան դադարեցրել էր 2026-ի հուլիսի 27-ին: Քանի որ կողմերին դեռևս չի հաջողվել հասնել երկարաժամկետ համաձայնության, մեկամյա երկարաձգումը դիտարկվել է որպես ժամանակ շահելու հնարավորություն:
Աղբյուր՝ Ekonomi Gazetesi
