Ինչպես հայտնում է թուրքական «Anadolu» պետական լրատվական գործակալությունը, Թուրքիայի և ԱՄՆ-ի միջև բնական հեղուկ գազի և միջուկային էներգիայի ոլորտներում կնքված նոր համաձայնագրերը նպաստելու են երկու երկրների էներգետիկ ռազմավարական համագործակցության խորացմանը:
Ըստ այդմ՝ սեպտեմբերին ստորագրված «Ռազմվարական քաղաքացիական միջուկային համագործակցության հուշագրով» կողմերը նպատակադրված են զարգացնել քաղաքացիական ուղվածության տեխնոլոգիաներն ու այդ ամենի շուրջ կարգավորման համագործակցությունը:
Բացի այդ մեկ այլ համաձայնագրով, որը ստորագրվել է Թուրքիայի պետական սեփականություն համարվող «BOTAŞ» խոշոր նավթագազային ընկերության և հեղուկ գազի արտահանմամբ զբաղվող ամերիկյան ընկերության միջև, 2026-ից ի վեր տարեկան 4 մլրդ խմ հեղուկ գազ է ներմուծվելու ԱՄՆ-ից:
Երկու երկրների միջև էներգետիկ համագործակցության վերաբերյալ նոր փաստաթղթերին անդրադարձել է Հուդսոնի համալսարանի ավագ մասնագետ Բիգհամ Մաքքոունը: Նա Թուրքիա-ԱՄՆ «Ռազմավարական քաղաքացիական միջուկային համագործակցության հուշագիրը» որակել է որպես ռազմավարական քայլ, որը նպատակ ունի նվազեցնել Թուրքիայի էներգետիկ կախվածությունն անկայուն մատակարարներից:
«Միջուկային տեսանկյունից ամերիկյան ռեակտորների գործարկումը կնվազեցների գները Թուրքիայի սպառողների համար և կբարձրացնի էներգետիկ հոսքի կայունությունը»,- հավելել է վերջինս:
Հիշեցնենք, որ Թուրքիայի և ԱՄՆ-ի միջև էներգետիկ ոլորտում համագործակցության մասին վերջին և ռազմավարական անվանումը փաստաթուղթը կնքվել է սեպտեմբերի 25-ին, Վաշինգտոնում՝ երկու երկրների ղեկավարների ներկայությամբ:
Աղբյուր՝ Anadolu
Թուրքիան և Ուկրաինան համաձայնություն են եկել էներգետիկ խոշոր նախագծի շուրջ
Զելենսկին հայտնել է, որ այդ ուղղությամբ արդեն կոնկրետ քայլեր են ձեռնարկում։
