Թուրքիայի Կենտրոնական բանկի կողմից հրապարակված վճարային հաշվեկշռի վերջին տվյալների հիման վրա Միջազգային ներդրողների ասոցացիան (YASED) հրապարակել է «Միջազգային ուղղակի ներդրումների տեղեկագիրը»։ Ըստ այդ տեղեկագրի՝ 2025-ի 8 ամիսների ընթացքում Թուրքիայում արվել է ընդհանուր առմամբ 10.6 մլրդ դոլարի միջազգային ուղղակի ներդրում։ Սույն թվականի 8 ամիսների ընթացքում ամենաշատ ներդրումը (2.5 մլրդ դոլարի) կատարվել է մանրածախ և մեծածախ առևտրի ոլորտում, 1.2 մլրդ ներդրում է կատարվել տեղեկատվության ու հաղորդակցության և սննդամթերքի արտադրության ոլորտում։
Հունվար-օգոստոս ամիսներին ամենաշատ նեդրումներն արվել են Նիդերլանդներից (2.5 մլրդ)։ 1.1 մլրդ դոլարի ներդրումներ արվել են Ղազախստանից և Լյուքսեմբուրգից։
Միայն օգոստոսին ամենաշատ ներդրումը տոկոսային հարաբերությամբ (71%) կատարվել է Լյուքսեմբուրգից։14%-ը՝ Նիդերլանդներից, իսկ Շվեյցարիայից, Ադրբեջանից ու Իռլանդիայից՝ 2-ական %։
Աղբյուր՝ Ekovitrin
