Թուրքիայի փոխնախագահ Ջևդեթ Յըլմազն Ալբանիայում մասնակցել է «Ալբանիա-Թուրքիա գործարար աշխարհի» հանդիպմանը։ Յըլմազը, խոսելով երկրի տնտեսության մասին, հայտնել է, որ ըստ կանխատեսումների՝ Թուրքիայի տնտեսական աճը 2025-ին կանցնի 1.5 տրիլիոն դոլարը։ Ըստ նրա՝ երբ դիտարկվում է գնողունակության համարժեքությունը, ապա Թուրքիան աշխարհի ամենամեծ տնտեսություն ունեցող 11-րդ երկիրն է, իսկ Եվրոպայում՝ 4-րդը։
Անդրադառնոլով Թուրքիա-Ալբանիա տնտեսական հարաբերություններին՝ Թուրքիայի փոխնախագահը նշել է, որ առևտրի ծավալները հասնում են 1 մլրդ դոլարի։ Մինչ օրս թուրքական ընկերություններն Ալբանիայում իրականացրել են 37 նախագիծ՝ 1.8 մլրդ դոլար արժողությամբ, որոնք վերաբերում են տրանսպորտի և ենթակառուցվածքների ոլորտին։
Շեշտվել է, որ թուրքական ընկերությունների համար Ալբանիայում կան զգալի հնարավորություններ ներդրումների համար հատկապես առողջապահության, գյուղատնտեսության, զբոսաշրջության, վերականգնվող էներգիայի ոլորտներում։
Աղբյուր՝ TRT
