Ստամբուլի նահանգային իշխանություններն այս տարի ևս արգելել են «Ապրիլի 24-ի հիշատակման» հարթակի կողմից 1915-ի Հայոց ցեղասպանության զոհերի հիշատակին նախաձեռնած միջոցառումը: Կազմակերպիչները դիմել էին Ստամբուլի նահանգապետարան՝ ապրիլի 24-ին Քադըքյոյի Սյուրեյա օպերայի մոտ հիշատակի հավաք անցկացնելու համար, սակայն, ինչպես նախորդ տարիներին, այս անգամ ևս մերժում են ստացել։
Հարթակը հայտարարության մեջ նշվել է, որ հիշատակի միջոցառումը ժողովրդավարական իրավունք է և նպատակ ունի հարգանքի տուրք մատուցել 1915 թվականի զոհերի հիշատակին, ինչպես նաև կոչ անել՝ առերեսվելու տեղի ունեցածի հետ: Կազմակերպիչները նաև ընդգծել են, որ նման արգելքները չեն նպաստում ժողովրդավարության զարգացմանը և կոչ են արել վերանայել որոշումը։
Հիշեցվում է, որ 2010-2019 թվականներին հիշատակի միջոցառումներն անցկացվել են տարբեր վայրերում՝ առանց ընդհատման, սակայն համավարակից հետո դրանց անցկացումը այլևս չի թույլատրվում։
Հայոց ցեղասպանությունը (Մեծ եղեռն, Արմենոցիդ) իրականացվել է Օսմանյան կայսրության կողմից 1915-1923թթ․։ Այն 20-րդ դարասկզբի մեծագույն ոճրագործությունն էր, որն ուղղված էր ոչ միայն հայության ու հայկական ինքնության, այլ նաև մարդկության և համաշխարհային քաղաքակրթության դեմ։
Աղբյուր՝ Agos
