Թուրքիայի արտգործնախարար Հաքան Ֆիդանը հայտնել է, որ ողջունում են ԱՄՆ-ի և Իրանի միջև պատերազմի դադարեցման վերաբերյալ ձեռք բերված համաձայնությունը։ Ըստ Ֆիդանի՝ այս համաձայնությունը կարևոր քայլ է տարածաշրջանում մնայուն խաղաղություն և կայունություն հաստատելու ուղղությամբ։
«Մենք հույս ունենք, որ լրացուցիչ բանակցությունները նույնպես կշարունակվեն կառուցողական ձևով։ Շնորհավորում ենք այս կարևոր քայլը կատարած կողմերին, մասնավորապես միջնորդական դեր ստանձնած Պակիստանին և Կատարին՝ ինչպես նաև գործընթացին աջակցություն ցուցաբերած մյուս երկրներին։ Շատ կարևոր է, որ բոլոր համապատասխան երկրները ցուցաբերեն ողջամիտ և պատասխանատու վերաբերմունք՝ կանխելու ձեռք բերված համաձայնությունը խափանելու փորձերը և պաշտպանելու տարածաշրջանային խաղաղությունն ու անվտանգությունը»,-նշել է նա։
Նա նաև հավելել է, որ Թուրքիան ի սկզբանե մեծ աջակցություն և ջանքեր է ցուցաբերել այս գործընթացին ու կշարունակի աջակցել տարածաշրջանում խաղաղության, հանգստության և կայունության հաստատմանը։
Աղբյուր՝ TRT Haber
