Թուրքիան ուսումնավարժական ինքնաթիռներ կմատակարարի Իսպանիային

Իսպանիայի մայրքաղաք Մադրիդում՝ «Airbus»-ի «Getafe» գործարանում ստորագրվել է թուրքական «TUSAŞ» ռազմարդյունաբերական ընկերության արտադրած «HÜRJET» ռեակտիվ ուսումնական ինքնաթիռների Իսպանիա արտահանման վերաբերյալ համաձայնագիր։

Փաստաթուղթը ստորագրել են Թուրքիայի ռազմարդյունաբերության վարչության ղեկավար Հալուք Գյորգյունը, Իսպանիայի պաշտպանության նախարարության սպառազինության գլխավոր տնօրինության ներկայացուցիչ ծովակալ Անիսետո Ռոսիկեն, «Airbus Defence and Space»-ի ներկայացուցիչ Ժան Բրիս Դյումոնը, ինչպես նաև «TUSAŞ»-ի և թուրքական կողմի այլ պաշտոնյաներ։

Ծրագրի շրջանակում ինքնաթիռների մի մասը կարտադրվի Թուրքիայում և կմատակարարվի Իսպանիային, իսկ մյուս մասը՝ Իսպանիայում՝ տեղական արտադրողների մասնակցությամբ։

Ըստ իսպանական կողմի՝ «HÜRJET»-ները նախատեսված են փոխարինելու ներկայում օգտագործվող «F-5» ուսումնական ինքնաթիռներին։ Առաջին մատակարարումները նախատեսվում են 2028-ից, իսկ մինչև 2035-ը Իսպանիայի սպառազինությունում նախատեսվում է ունենալ ընդհանուր 30 ինքնաթիռ։

Աղբյուր՝ Trt Haber