Իրանի նախագահ Մասուդ Փեզեշքիանը Թուրքիայի ազգային տոնի առթիվ շնորհավորել է Թուրքիայի նախագահ Ռեջեփ Թայիփ Էրդողանին և թուրք ժողովրդին։
Փեզեշքիանը նշել է, որ ներկայումս Իրանի և Թուրքիայի հարաբերությունների ամրապնդումն առանձնապես կարևոր է։ Նա ընդգծել է, որ համագործակցության ընդլայնումը կնպաստի երկու երկրների, ինչպես նաև ամբողջ տարածաշրջանի կայունությանը, անվտանգությանը և զարգացմանը։
Բացի այդ Իրանի նախագահն իր շնորհավորական ուղերձում թուրքերին ու իրանցիներին անվանել է «բարեկամ և եղբայրական ժողովուրդներ»։
«Ես հույս ունեմ, որ Իրանի և Թուրքիայի միջև առկա սերտ համագործակցության ներքո, մշտական խորհրդակցությունների և համատեղ ջանքերի շնորհիվ քաղաքական, մշակութային և միջազգային ոլորտներում եղած հարաբերությունները կընդլայնվեն և կխորանան»:
Հիշեցնենք, որայսօր Թուրքիայում նշվում է Հանրապետության հիմնադրման 102-րդ տարին:
Աղբյուր՝ İrna
Թուրքիայում գտնվող Սուրբ Սարգիս հայկական եկեղեցին վերականգնվում է
Դիարբեքիրի նահանգապետն անձամբ է մեկնել է Սուր շրջանի Ալիփաշա թաղամաս՝ տեղում աշխատանքներին ծանոթանալու համար:
