Թուրքիայի արտգործնախարարության խոսնակ Օնջյու Քեչելին X-ում գրառում է կատարել Լիբանանի և Կիպրոսի միջև «Բացառիկ տնտեսական գոտի» (ԲՏԳ) սահմանելու մասին համաձայնագրի վերաբերյալ։
«Թուրքիան Հյուսիսային Կիպրոսի թուրքական հանրապետության հետ միասին շարունակելու է պաշտպանել կիպրոսցի թուրքերի իրավունքներն ու շահերը»,-գրել է նա։
Բացի այդ, Քեչելին ուշադրություն է հրավիրել այն հանգամանքի վրա, որ իր պնդմամբ Կիպրոսը (նկատի ունի իրենց կողմից կոչվող Հարավային Կիպրոսի հունական կառավարությունը) ընդհանրապես հաշվի չի առել 2003-ից ի վեր Կիպրոս կղզու հավասար ինքնավար տարրը հանդիսացող կիպրոցի թուրքերին և տարածաշրջանգում գտնվող ափամերձ երկրների հետ կղզու ափերը ողողող ծովային հատվածները սահմանազատելու վերաբերյալ երկկողմ համաձայնագրեր է ստորագրում։
«2007-ին Լիբանանի և Հարավային Կիպրոսի հունական կառավարության միջև կնքված, սակայն կյանքի չկոչված ԲՏԳ սահմանազատման մասին համաձայնագիրը երեկ կրկին ստորագրվել է երկու երկրների միջև»,-հավելել է նա։
Աղբյուր՝ Anadolu Ajansı
