Թուրքիայում իշխող «Արդարություն և զարգացում» (ԱԶԿ-AKP) հետ «Ժողովուրդ» (Cumhur) դաշինքի մեջ գտնվող «Ազգայնական շարժում» (MHP) կուսակցության առաջնորդ Դևլեթ Բահչելին անդրադարձել է Թուրքիան առանց ահաբեկչության տեսլականին և դրա շուրջ տեղի ունեցող զարգացումներին:

Բահչելին այդպիսի տեսլականի իրագործման նպատակը որակել է ամենաարդյունավետ քայլը հանրապետության պատմության մեջ, ապա հավելել. «Փոխզիջման, հետաձգման կամ չնչին տատանման մասին խոսք չկա: Նետը լքել է աղեղը, իսկ նավերը՝ այրվել»:

Ազգայնական գործիչը նշել է նաև, որ իրենց վճռականությունն այդ հարցում անսասան և անհերքելի է ու ոչ ոք իրավունք չունի խաթարել այս բարձր մակարդակը: «Հակառակ ուղղությամբ վերաբերմունքն ու վարքագիծը որպես դիմադրություն ազգի և պետության դեմ մեկնաբանելն անխուսափելի է։ Մեր առջև պատմական հնարավորության շեմ է»,- ամփոփել է Բահչելին:

Աղբյուր՝ Trt Haber