Թուրքիայի ՊՆ. «Իսրայելի ագրեսիվ կեցվածքը տարածաշրջանում խաղաղության ամենամեծ խոչընդոտն է»

Թուրքիայի պաշտպանության նախարարությունը հայտարարությամբ է հանդես եկել՝ անդրադառնալով Մերձավոր Արևելքում տեղի ունեցող զարգացումներին և քննադատելով Իսրայելի քաղաքականությունը։

Նախարարության տարածած հաղորդագրության մեջ նշվում է, որ Գազայում, Լիբանանում և Սիրիայում Իսրայելի ագրեսիվ կեցվածքն ու ծավալապաշտական քաղաքականությունը շարունակում են մնալ տարածաշրջանում մշտական խաղաղության և կայունության հաստատման ամենամեծ խոչընդոտը։ Շեշտվել է, որ տարածաշրջանի ապագան պետք է կառուցվի ոչ թե միակողմանի ուժի կիրառմամբ, այլ միջազգային իրավունքի, ինչպես նաև երկրների ինքնիշխանության ու տարածքային ամբողջականության հարգման հիման վրա։

Թուրքական կողմը անհրաժեշտ է համարել, որ միջազգային հանրությունը կոնկրետ և արդյունավետ միջոցներ ձեռնարկի Իսրայելին զսպելու համար:

Աղբյուր՝ Trt Haber