Ստամբուլում մեկնարկել է Արդյունաբերությունների համաշխարհային համագործակցության (WCI) 15-րդ ֆորումը։ Նպատակը Թուրքիայի և աֆրիկյան երկրների միջև առևտրային, ներդրումային և գործարար կապերի ընդլայնումն է։
Միջոցառմանը մասնակցում են Աֆրիկայի 54 երկրի շուրջ 2000 գործարար, ինչպես նաև Թուրքիայի պետական և մասնավոր ոլորտի ավելի քան 400 ներկայացուցիչ։ Ֆորումը միտված է նոր առևտրային կապերի հաստատմանը, արտահանման շուկաների ընդլայնմանը և կայուն համագործակցության զարգացմանը։
Բացմանը ելույթ են ունեցել Թուրքիայի առևտրի փոխնախարար Օզգյուր Վոլքան Աղարը, Գանայի խորհրդարանի առաջին փոխխոսնակ Բեռնարդ Ահիաֆորը և WCI ֆորումի նախագահ Ութքու Բենգիսուն։
Աղարի խոսքով՝ Աֆրիկայի հետ Թուրքիայի առևտրաշրջանառությունը 2003 թ. կազմել է 5.5 մլրդ դոլար, իսկ 2025 թ. կանխատեսումներով կհասնի շուրջ 40 մլրդ դոլարի։ Նա նաև նշել է, որ կկազմակերպվեն երկկողմ գործարար հանդիպումներ, որոնք թուրքական ընկերություններին հնարավորություն կտան անմիջական կապեր հաստատել Աֆրիկայի շուկայի հնարավոր գնորդների հետ։
Աղբյուր՝ Saraymedya
