Թուրքիայի նախագահ Ռեջեփ Թայիփ Էրդողանը հոկտեմբերի 7-ին մեկնել է Ադրբեջանի Գաբալա քաղաք՝ մասնակցելու «Թյուրքական պետությունների կազմակերպության» (ԹՊԿ-TDT) գագաթնաժողովին:
Նշվում է, որ օրակարգում է լինելու տարածաշրջանային խաղաղությունն ու անվտանգությունը, Պաղեստինի Գազայի հատվածում տիրող իրավիճակը, ռուս-ուկրաինական պատերազմը և թյուրքական պետությունների միջև առկա համագործակցությունը:
Գագաթնաժողովին, որն անցկացվում է պետությունների ղեկավարների մակարդակով, մասնակցելու է նաև Հյուսիսային Կիպրոսի ինքնահռչակ թուրքական հանրապետությունը (ՀԿԹՀ) որպես դիտորդ երկիր:
Սպասվում է, որ գագաթնաժողովի ընթացքում կընդունվեն մի շարք որոշումներ և տարբեր փաստաթղթեր, ինչպես նաև կստորագրվի գագաթնաժողովն ամփոփող Գեբելեի հռչակագիրը:
Աղբյուր՝ Trt Haber
Թուրքիան հերքել է Էրդողանին վերագրվող «The Telegraph-ի հայտնած լուրը
Լուրը հեռացվել է թերթի բոլոր հարթակներից, իսկ խմբագիրը ներողություն է խնդրել։
