«Իրաք-թուրքմենական ճակատ»-ի ղեկավար Մեհմեդ Սեման Աղաօղլուն պաշտոնապես ստանձնել է Քիրքուքի նահանգապետի պաշտոնը՝ ստանալով իր մանդատը Իրաքի նախագահից։ Թուրքիայի արտաքին գործերի նախարարությունը հայտարարություն է տարածել՝ ընդգծելով, որ թուրքմեն նահանգապետի ընտրությունը կարևոր և պատմական քայլ է՝ ուղղված քաղաքում ներառականության, արդար ներկայացվածության և հասարակական կայունության ամրապնդմանը։
Գերատեսչության գնահատմամբ՝ այս որոշումը հանդիսանում է «Իրաքի և Քիրքուքի բնիկ բաղադրիչ հանդիսացող թուրքմենների օրինական իրավունքի ուշացած իրականացում»։ Նշվում է նաև, որ փոխհամաձայնության հիման վրա բարձր մակարդակի վարչական պաշտոնների բաշխումը Քիրքուքի տարբեր համայնքների միջև նպաստում է ոչ միայն թուրքմենների, այլև քաղաքի բոլոր բնակիչների իրավունքների «արդար ապահովմանը»։
Աղբյուր՝ Trt Haber
