Չինաստանը և Թուրքիան ռազմավարական համաձայնագիր են կնքել

Պեկինի գիտության և տեխնոլոգիաների միջազգային համագործակցության կենտրոնի և «Չժոնգուանցուն Դոնգշենգ» տեխնոլոգիական պարկի կողմից կազմակերպվել է «Բացում դեպի Թուրքիա. Չինաստան-Թուրքիա արհեստական ​​բանականության արդյունաբերության երկխոսություն» թեմայով միջացառում։

Թուրքական «ATA Holding»-ի կողմից գործարկված «Cloudone AI Venture Studio» հարթակը, ռազմավարական համագործակցության համաձայնագիր է ստորագրել Չինաստանի առաջատար նորարարական կենտրոններից մեկի՝ «Չժոնգուանցուն Դոնգշենգ» տեխնոլոգիական պարկի հետ:

Համաձայնագիրը իրենից ենթադրում է երկու երկրների միջև մշտական ​​համագործակցության մոդել, որը ներառում է արհեստական ​​բանականության ոլորտում ձեռներեցություն, տեխնոլոգիաների փոխանցում, փորձնական ծրագրեր և համատեղ նորարարական ծրագրեր:

Կողմերը համատեղ կաշխատեն արհեստական ​​բանականության վրա կենտրոնացած նախագծերի, ձեռնարկատերերի աջակցության, համատեղ ծրագրերի և փորձնական ծրագրերի շուրջ։ Համագործակցությունը հիմնված է երկկողմ մոդելի վրա, որը նպատակ ունի ոչ միայն հեշտացնել չինական տեխնոլոգիական ընկերությունների մուտքը թուրքական շուկա, այլև կապել Թուրքիայում մշակված կարիքներն ու լուծումները Չինաստանի ուժեղ նորարարական էկոհամակարգի հետ։

Աղբյուր՝ Habertürk