Թուրքիայի տրանսպորտի և ենթակառուցվածքների նախարար Աբդուլքադիր Ուրալօղլուն հայտարարել է, որ երկրի քաղաքացիական ավիացիայի ոլորտում գրանցվել է նշանակալի աճ. 2025-ի վերջին Թուրքիայում ուղևորափոխադրող և բեռնատար ինքնաթիռների թիվը հասել է 800-ի, իսկ օդաչուների ընդհանուր թիվը՝ 17.910-ի, ինչը նախորդ տարվա՝ 2024-ի համեմատ, ենթադրում է 10 տոկոս աճ։
Նախարարի խոսքով՝ վերջին 23 տարում Թուրքիայի ավիացիոն ոլորտը զարգացել է բոլոր ուղղություններով՝ օդանավերի քանակից մինչև միջազգային թռիչքների ցանց։ Ներկայումս Թուրքիան թռիչքներ է իրականացնում դեպի 133 երկրի 356 ուղղությամբ, մինչդեռ 2002-ին թռիչքները կատարվում էին ընդամենը 50 երկրի 60 ուղղությամբ։
Տվյալների համաձայն՝ 2003-ին 162 ինքնաթիռի փոխարեն Թուրքիան այժմ ունի գրեթե հինգ անգամ ավելի շատ օդանավ, իսկ դրանցում ուղևորների նստատեղերի ընդհանուր քանակը կազմում է 157.785։
Ըստ նախարարի՝ զգալի աճ է արձանագրվել նաև օդային բեռնափոխադրումների ոլորտում, ինչը վերջին տարիներին ստացել է ռազմավարական նշանակություն։ Եթե 2003-ին Թուրքիան ի վիճակի էր իրականացնել մոտ 303 տոննա բեռի տեղափոխում, ապա 2025-ին այդ թիվը հասել է մոտ 3000 տոննայի։
Աղբյուր՝ Haber Global
