Թուրքիայում գործազրկությունը շարունակում է աճել

Թուրքիայի վիճակագրական ինստիտուտը հրապարակել է սույն թվականի օգոստոսի աշխատուժի վերաբերյալ տվյալներ:

Ըստ վիճակագրության, 2025թ. օգոստոսին 15 և ավելի տարեկան անձանց շրջանում գործազուրկների թիվը նախորդ ամսվա համեմատ աճել է 168 հազարով և կազմել 3 միլիոն 44 հազար մարդ։ Գործազրկության մակարդակը բարձրացել է 0.4 տոկոսային կետով՝ հասնելով 8.5 տոկոսի։ Տղամարդկանց շրջանում գործազրկության մակարդակը կազմել է 6.8%, իսկ կանանց շրջանում՝ 11.6%։

Օգոստոսին աշխատատեղով ապահովվածների թիվը նախորդ ամսվա համեմատ աճել է 208 հազարով և կազմել 32 միլիոն 829 հազար մարդ, իսկ զբաղվածության մակարդակը բարձրացել է 0,3 տոկոսային կետով՝ հասնելով 49.4 տոկոսի։ Տղամարդկանց շրջանում զբաղվածության մակարդակը կազմել է 66.6%, իսկ կանանց շրջանում՝ 32.6%։

Աշխատուժը օգոստոսին նախորդ ամսվա համեմատ աճել է 376 հազարով և կազմել 35 միլիոն 873 հազար մարդ, իսկ աշխատուժին մասնակցության ցուցանիշը բարձրացել է 0․6 տոկոսային կետով՝ հասնելով 54.0 տոկոսի։ Տղամարդկանց շրջանում այդ ցուցանիշը կազմել է 71.5%, իսկ կանանց շրջանում՝ 36.9%։

15–24 տարիքային խմբի շրջանում գործազրկության մակարդակը նախորդ ամսվա համեմատ աճել է 0,8 տոկոսային կետով և կազմել 16,0%։ Այս տարիքային խմբում տղամարդկանց գործազրկության մակարդակը գնահատվել է 12.4%, իսկ կանանց դեպքում՝ 22.7%։

Աղբյուր՝ bursadabugun.com