2026 թվականի ֆուտբոլի աշխարհի առաջնության ընտրական փուլի շրջանակներում E խմբում, Թուրքիան հոկտեմբերի 14-ին կմրցի Վրաստանի հավաքականի հետ։ Խմբում ընդգրկված են նաև Իսպանիան և Բուլղարիան։
Թուրքիայի ազգային հավաքականը ավարտել է նախապատրաստությունները Վրաստանի հետ կայանալիք հանդիպմանն ընդառաջ։ Խաղը տեղի կունենա Թուրքիայի Քոջաելիի քաղաքի մարզադաշտում։
Հավաքականի վերջին մարզումը ղեկավարել է թիմի գլխավոր մարզիչ Վինչենցո Մոնտելլան։ Վարժանքի առաջին հատվածը բաց է եղել լրագրողների համար, իսկ շարունակությունը՝ փակ։ Մարզմանը հետևել են ֆեդերացիայի նախագահ Իբրահիմ Հաջըօսմանօղլուն և մի շարք պաշտոնյաներ։
Հիշեցնենք, որ վերջին խաղում Թուրքիայի հավաքականը խոշոր (6-1) հաշվով պարտության էր մատնել Բուլղարիայի հավաքականին և 6 միավորով խմբում զբաղեցնում է 2-րդ հորիզոնականը՝ 3 միավորով զիջելով առաջատար Իսպանիային։
Աղբյուր՝ Aydınlık
