Թուրքիայի գանձապետարանի և ֆինանսների նախարար Մեհմեդ Շիմշեքը Անկարայի «ATO Congresium» կոնֆերանս-սրահում Արաբական Միացյալ Էմիրությունների (ԱՄԷ) «Միասնության օրվան» նվիրված ընդունելությանն անդրադարձել է երկու պետությունների միջև առկա հարաբերություններին:
Շիմշեքը հայտարարել է, որ Թուրքիան և ԱՄԷ-ն արագ փոփոխվող համաշխարհային տնտեսության մեջ որպես ուժեղ գործընկերներ փոխլրացնում են միմյանց և իրենք դա մղել են առաջին պլան:
«Մենք հավատում ենք, որ ազդեցիկ աճն առաջիկա ժամանակահատվածում ևս ուժեղանալու և շարունակվելու է: ԱՄԷ-ն Թուրքիայի համար թե՛ կարևոր գործընկեր է, և թե՛ ռազմավարական բարեկամ: Մեր քաղաքական հարաբերություններն ասօր բավական ամուր մակարդակի վրա են»,- ասել է նախարարը:
Բացի այդ, վերջինս հավելել է, որ վերջին ժամանակահատվածում երկու երկրների միջև աճող բարձր մակարդակի շփումների և արդյունավետ ինստիտուցիոնալ համակարագերի շնորհիվ համագործակցությունն այժմ շատ ավելի արդյունահեն կառուցվածք ունի:
«Մենք հավատում ենք, որ Թուրքիա-ԱՄԷ տնտեսական համագործակցությունն առաջիկա ժամանակահատվածում նոր առաջընթաց է գրանցելու: Կարճ ժամանակահատվածում մեր անցած հեռավորությունը ցույց է տալիս, որ միասին շատ ավելի շատ ենք կարողանալու հաջողել»:
Աղբյուր՝ Trt Haber
Ռուսաստանը Թուրքիայից ներմուծել է ռեկորդային թվով քաղցրավենիք
Թուրքիայի և Ռուսաստանի առևտրային հարաբերություններում հրուշակեղենի ոլորտը նոր թափ է ստանում։
