Անկարայի նահանգի Սինջան շրջանի Թեմելլի թաղամասում ուսումնական ուղղաթիռ է կործանվել։ Վթարի հետևանքով տուժել է 2 անձ։ Նրանցից մեկը՝ պահեստազորի գնդապետ, օդաչու Յասաոզդեն Բաքքալը, մահացել է։
Անկարայի նահանգապետարանը գրավոր հայտարարություն է տարածել ուսումնական ուղղաթիռի կործանման վերաբերյալ։ Ըստ հաղորդագրության՝ «R-44» տիպի ուսումնական ուղղաթիռը վայր է ընկել տեղական ժամանակով 10:02-ին:
Դեպքի վայր մեկնած ժանդարմերիայի ստորաբաժանումներն իրականացրել են անվտանգության անհրաժեշտ միջոցառումներ, իսկ այժմ պատկան մարմինները շարունակում են աշխատանքները՝ վթարի պատճառները պարզելու ուղղությամբ։
Թուրքիայի արդարադատության նախարար Աքըն Գյուրլեքը ևս անդադարձել է միջադեպին։ Վերջինս սոցցանցի իր օգտահաշվում ցավակցություն է հայտնել մահացած զինվորականի հարազատներին, իսկ վիրավորին՝ մայոր Բիլգեհան Քուրթօղլուին, մաղթել շուտափույթ ապաքինում։
Աղբյուր՝ Trt Haber
