Թուրքիայի մշակույթի և զբոսաշրջության նախարար Մեհմեթ Նուրի Էրսոյը և Թուրքիայում ԱՄՆ-ի դեսպան Թոմ Բարաքը քննարկել են երկու երկրների միջև զբոսաշրջային հոսքերի ակտիվացման ուղղությամբ իրականացվող համատեղ աշխատանքները։
Նուրի Էրսոյը նախարարությունում ընդունել է դեսպան Բարաքին։ Կողմերը հատուկ անդրադարձել են զբոսաշրջային փոխայցելությունների խթանմանը, մշակութային ժառանգության պահպանությանը և մշակութային արժեքների մաքսանենգության ու ապօրինի շրջանառության դեմ համատեղ պայքարին։
Հանդիպումից հետո նախարար Էրսոյը սոցիալական ցանցում գրառում է արել. «Պարոն դեսպանի հետ անդրադարձանք նաև համագործակցության այն հնարավորություններին, որոնք կարող են էլ ավելի ամրապնդել մեր երկրների միջև երկխոսությունն ու մշակութային կապերը»։
Աղբյուր՝ HaberTurk
