Թուրքիայի փոխանախագահ Ջևդեթ Յըլմազը հայտարարել է, որ Թուրքիայի տնտեսությունն արդեն 21-րդ եռամսյակն անընդմեջ շարունակում է աճել։ Նրա խոսքով՝ 2025-ի 9 ամսում տնտեսական աճը կազմել է 3.7 տոկոս։
Յըլմազը նշել է, որ չնայած գյուղատնտեսության ոլորտում սառնամանիքի և երաշտի հետևանքով գրանցված մոտ 6 տոկոսանոց անկմանը՝ ընդհանուր տնտեսական աճը պահպանվել է։ Նա ընդգծել է, որ 2002-ին 238 մլրդ դոլար կազմող Թուրքիայի համախառն ներքին արդյունքը (ՀՆԱ) այս տարի կգերազանցի 1.5 տրիլիոն դոլարը։
Ըստ նրա՝ մեկ շնչին բաժին ընկնող եկամուտը կհասնի 17-18 հազար դոլարի, և Համաշխարհային բանկի (ՀԲ) դասակարգմամբ Թուրքիան առաջին անգամ կդասվի բարձր եկամուտ ունեցող երկրների շարքին։ Ամերիկյան «Արժույթի միջազգային հիմնադրամի» (IMF) կանխատեսումներով՝ Թուրքիան 2025-ին կլինի աշխարհի 16-րդ խոշոր տնտեսությունը՝ անվանական ցուցանիշներով, և 11-րդը՝ գնողունակության համարժեքությամբ։
Աղբյուր՝ Trt Haber
