Թուրքիան մաքուր էներգիայի ոլորտում առաջատար է

Թուրքիայում վերականգնվող էներգիայի մասնաբաժինը շարունակում է աճել։ 2025-ին քամու և արևային էներգիայի (մաքուր էներգիա) բաժինը երկրի էլեկտրաէներգիայի արտադրությունում հասել է 22 տոկոսի՝ առաջին անգամ գերազանցելով 20 տոկոսի շեմը։ Այս ցուցանիշով Թուրքիան առաջատար դիրք է զբաղեցրել Մերձավոր Արևելքի, Կովկասի և Կենտրոնական Ասիայի 16 երկրի շարքում՝ դառնալով միակ երկիրը, որը հատել է այդ սահմանը։

Միևնույն ժամանակ, ածուխը շարունակում է մնալ հիմնական էներգետիկ աղբյուրը՝ 34 տոկոս մասնաբաժնով, իսկ բնական գազի բաժինը, ընդհակառակը, նվազել է մինչև 22 տոկոս։

Լոնդոնում գործող միջազգային ուղեղային կենտրոնի՝ «Ember»-ի պատրաստած «Թուրքիայի էլեկտրաէներգիայի հեռանկարը 2026» զեկույցում նշվում է նաև, որ երաշտի հետևանքով հիդրոէլեկտրակայանների արտադրությունը զգալիորեն նվազել է, ինչը փոխհատուցվում է գազի ներմուծմամբ՝ ավելացնելով երկրի ծախսերը։

Աղբյուր՝ Doğru Haber