Թուրքիան հուլիսի 1-ից նախատեսում է 15%-ով թանկացնել Բոսֆորի և Դարդանելի նեղուցներով նավերի անցման սակագները։ Որոշման ուժի մեջ մտնելուց հետո 1 տոննայի համար գանձվող վճարը ներկայիս 5.83 դոլարից կդառնա 6.70 դոլար։ Ակնկալվում է, որ այս քայլով Թուրքիան զգալի արտարժութային եկամուտ կապահովի։
Նշվում է, որ 2024-ին Ստամբուլի նեղուցով անցել է 41.000 նավ (ժամում միջինը 5 նավ), ինչի արդյունքում Թուրքիան ստացել է 227 մլն դոլար եկամուտ։ 2025-ին նավերի թիվը կազմել է 40.000, իսկ 2026-ի առաջին 4 ամսում՝ 12.000: Անցման համար 1 նավի վճարած միջին գումարն էլ, չփոփոխված սակագնով, տատանվում է 15-30 հզ. դոլարի սահմաններում։
Հիշեցնենք, որ 1936թ.-ին ստորագրված Մոնտրյոյի կոնվենցիայի համաձայն՝ անցումավճարները հաշվարկվում են «Ոսկե ֆրանկի» (Altın Frank) հիման վրա՝ ըստ նավի զուտ տարողության (տոննաժի)։ 2022-ից ի վեր Թուրքիան պարբերաբար թարմացնում է «Ոսկե ֆրանկի» համարժեքը դոլարով։
Աղբյուր՝ Ntv
