Սինգապուրի վարչապետը կմեկնի Թուրքիա

Թուրքիայի նախագահականի հանրային կապերի վարչության ղեկավար Բուրհանեթին Դուրանը սոցցանցում կատարված գրառմամբ տեղեկացրել է, որ Սինգապուրի վարչապետ Լոուրենս Վոնգը հունիսի 19-ին աշխատանքային այցով գտնվելու է Թուրքիայում։

Այցի շրջանակներում հիմնովին վերանայվելու են Թուրքիայի և Սինգապուրի հարաբերությունները հատկապես առևտրի և ներդրումների ոլորտում։ Դուրանը հավելել է, որ քննարկվելու են նաև հետագայում համագործակցության էլ ավելի խորացմանն ուղղված քայլերը։

Դուրանը հավելել է, որ բանակցությունների ընթացքում մտքեր են փոխանակվելու տարածաշրջանային և համաշխարհային զարգացումների շուրջ ևս։

Աղբյուր՝ Trt Haber