Թուրքիայի նախագահ Ռեջեփ Թայիփ Էրդողանը ՄԱԿ-ի գլխավոր ասամբլեայի 80-րդ նիստի շրջանակներում հանդիպել է Սիրիայի ժամանակավոր կառավարության նախագահ Ահմեդ Շարայի հետ: Հանդիպման վայրը եղել է
Նյու Յորքում գտնվող «Թուրքական տունը» (Türkevi)։
Քննարկման օրակարգում են եղել թուրք-սիրիական հարաբերություններն ու տարածաշրջանային հարցերը: Էրդողանը նշել է, որ իրենք ակնկալում են Սիրիայի դեմ սահմանված բոլոր պատժամիջոցների չեղարկումն ամենակարճ ժամանակահատվածում: Նաև հայտնել է, որ ինքը դրական է վերաբերվում այն բոլոր նախաձեռնություններին, որտեղ հիմնարար տեղ ունի Սիրիայի տարածքային ամբողջականությունն ու անկախությունը։
Թուրքիայի ղեկավարը շեշտել է, որ Թուրքիան ուշադիր հետևում է տարածաշրջանում տեղի ունեցող բոլոր զարգացումներին ու շարունակելու է աջակցել Սիրիային՝ հետզհետե մեծացնելով այդ աջակցությունը:
Թուրքիայի նախագահը բացի Շարային ընդունելուց, «Türkevi»-ում հանդիպում է ունեցել «Թուրքիա-ԱՄՆ աշխատանքային խորհրդի նախագահ Ուլուքայայի, խորհրդի անդամների և ընկերությունների ամերիկացի բարձրաստիճան ղեկավարների հետ:
Սոցհարցում. Էրդողանը պարտվում է Անկարայի ընդդիմադիր քաղաքապետին
Մանսուր Յավաշը նախագահական ընտրություններում 9%-ով առաջ կանցնի Էրդողանից:
