Թուրքիայի արևելյան հատվածում գտնվող Բիթլիս նահանգում ձյան առատ տեղումները շարունակվում են: Նշվում է, որ ընդհանուր առմամբ սեզոնին մոտ 9.5 մետր ձյուն է տեղացել։ Ապրիլի 13-ի դրությամբ նահանգի կենտրոնական հատվածներում ձյան շերտի հաստությունը հասել է 40 սանտիմետրի, իսկ բարձրադիր շրջաններում՝ 60 սանտիմետրի։ Առատ ձյան պատճառով 111 գյուղերի ճանապարհներ դարձել են անանցանելի։
Ըստ թուրքական մամուլի՝ 4 օր ընդմիջումներով շարունակվող ձյան տեղումները զգալիորեն դժվարացրել են տեղացիների առօրյան։ Այս պահին ճանապարհների բացման աշխատանքներ են իրականացնում ճանապարհաշինարարական և համայնքային ծառայությունները։
Միաժամանակ օդերևութաբանները զգուշացնում են, որ ձյան տեղումները շարունակվելու են մինչև շաբաթավերջ։ Բարձր լեռնային և թեք տեղանքներում կա ձնահյուսի և սողանքի վտանգ։ Բիթլիսի նահանգապետ Ահմեթ Քարաքայան նշել է, որ այս տարի խիստ ձմեռը է եղել: Նրա խոսքով՝ Բիթլիսը Թուրքիայի այն նահանգներից է, որտեղ ամենաշատն է ձյուն տեղում:
Աղբյուր՝ Kronos
