Թուրքիայում շրջանավարտների զբաղվածության ցուցանիշը ցածր է եվրոպական միջինից

Եվրոպայի վիճակագրական գրասենյակը (Eurostat) տվյալներ է հրապարակել Եվրոպական Միությունում (ԵՄ) 20-34 տարեկան երիտասարդների զբաղվածության մակարդակի վերաբերյալ։

Շրջանավարտների զբաղվածության մակարդակով առաջին տեղը զբաղեցրել է Իսլանդիան՝ 91.4%-ով։ Իսլանդիային հաջորդում են Մալթան՝ 91%-ով, Գերմանիան՝ 90.6%-ով և Նիդեռլանդները՝ 90.1%-ով։

Թուրքիայում շրջանավարտների զբաղվածության մակարդակը կազմում է 64% և այդ ցուցանիշը ցածր է ԵՄ միջին ցուցանիշից։ Իսկ երբ դիտարկվում է զբաղվածության մակարդակը կանանց ու տղամարդկանց շրջանում, ապա ստացվում է, որ Թուրքիայում տղամարդկանց զբաղվածության մակարդակը կազմում է 76%, իսկ կանանցը՝ 52.7%։

ԵՄ-ում տղամարդկանց զբաղվածության մակարդակը կազմում է 84.4%, իսկ կանանցը՝ 81.5%։ Այսպիսով, Թուրքիայում նորավարտ կանանց զբաղվածության մակարդակը մոտավորապես 29 տոկոսային միավորով ցածր է ԵՄ միջին ցուցանիշից։

Աղբյուր՝ Turkishpost.net