Թուրքիայի վիճակագրական կոմիտեն (TÜİK) հրապարակել է «Տնային տնտեսություններում տեղեկատվական տեխնոլոգիաների օգտագործման հարցման-2026» արդյունքները։ 2026-ին Թուրքիայում 16-74 տարեկան մարդկանց շրջանում ինտերնետից օգտվելու մակարդակը հասել է 92.3 տոկոսի։ Ստացվում է, որ Թուրքիայում 10 մարդուց 9-ն օգտվում է համացանցից։
Անցյալ տարի այս մակարդակը կազմել էր 90.9 տոկոս։ Նույն տարիքային խմբի շրջանում տղամարդկանց մոտ ինտերնետի օգտագործման մակարդակը կազմել է 94.8 տոկոս, իսկ կանանց մոտ՝ 89.9 տոկոս։ Ինտերնետի միջոցով հանրային ծառայություններից օգտվողների մակարդակը կազմել է 76 տոկոս։
Վերջին տարում պաշտոնական մարմինների կայքերն ու հավելվածները անձնական նպատակներով օգտագործելու և հանրային ծառայություններից ինտերնետի միջոցով օգտվելու մարդկանց մակարդակը հասել է 76 տոկոս։ Այս մակարդակը տղամարդկանց համար կազմել է 82.7 տոկոս, իսկ կանանց համար՝ 69.4 տոկոս։
Ամենաշատ օգտագործվող սոցիալական ցանցերը և հաղորդագրությունների հավելվածները եղել են WhatsApp՝ 90%-ով, YouTube՝ 77.6%-ով և Instagram՝ 71.1%-ով։ Պարզվել է, որ տղամարդիկ ամենահաճախն օգտագործում են WhatsApp՝ 92.5%-ով, որին հաջորդում են YouTube՝ 80.1%-ով և Instagram՝ 71.9%-ով, մինչդեռ կանայք ամենահաճախն օգտագործում են WhatsApp՝ 87.6%-ով, YouTube՝ 75%-ով և Instagram՝ 70.2%-ով։
Աղբյուր՝ TRT Haber
