Թուրքիայում զբոսաշրջիկներ տեղափոխող միկրոավտոբուս է շրջվել. կան վիրավորներ

Թուրքիայի Աքսարայ նահանգում զբոսաշրջիկներ տեղափոխող միկրոավտոբուսի շրջվելու հետևանքով 14 մարդ է տուժել, նրանցից երկուսի վիճակը ծանր է։

Նշվում է, որ զբոսաշրջային միկրոավտոբուսը Աքսարայ-Նևշեհիր ավտոճանապարհի Ալայհան հատվածում դուրս է եկել ճանապարհի երթևեկելի գոտուց և շրջվել ձորը։

Վթարի մասին ահազանգից հետո դեպքի վայր են ժամանել շտապօգնության և ժանդարմերիայի խմբերը։

Վթարի հետևանքով միկրոավտոբուսի 14 ուղևորները վնասվածքներ են ստացել։ Տուժածները տեղափոխվել են քաղաքի հիվանդանոցներ։ Նրանցից երկուսի կյանքին վտանգ է սպառնում։

Աղբյուր՝ Trt Haber