Թուրքիայում իր 6-ամյա դստերը հոգևոր հետևորդի հետ կրոնական ծեսով ամուսնացնելու գործով 18 տարի 9 ամիս ազատազրկման դատապարտված անձը՝ Յուսուֆ Զիյա Գյումյուշելը, ազատ է արձակվել: Ստամբուլի վերաքննիչ դատարանը, հաշվի առնելով դատապարտյալի առողջական վիճակը, որոշել է նրան ազատել բանտից՝ կիրառելով տնային կալանք և երկրից դուրս գալու արգելք:
Քրեակատարողական հիմնարկից դուրս գալու պահին Գյումյուշելին դիմավորել են նրա գլխավորած կրոնական միաբանության (Թարիքաթ) անդամները, որոնք վերջինիս ազատ արձակումն ուղեկցել են կրոնական մեծարման բացականչություններով:
Հիշեցնենք, որ աղմկահարույց գործով հարուցված քրեական վարույթի շրջանակներում աղջկա «ամուսնուն»՝ Քադիր Իսթեքլիին, մեղադրանք էր առաջադրվել երեխայի նկատմամբ մտադրված սեռական բռնություն իրականացնելու համար, իսկ ծնողներ Յուսուֆ Զիյան և Ֆաթիմա Գյումյուշելներին մեղադրվել են անչափահաս երեխայի սեռական շահագործմանը միտումնավոր մասնակցելու համար:
Այդ քրգործը Թուրքիայում մեծ հանրային հնչեղություն էր ստացել այն բանից հետո, երբ դուստրը, արդեն հասուն տարիքում, բողոք էր ներկայացրել իրավապահներին՝ հայտնելով, որ 6 տարեկանից ենթարկվել է բռնության:
Աղբյուր՝ T24
