Թուրքիայի պաշտպանության նախարարությունը հայտնել է, որ դրական է գնահատում ԱՄՆ-ի և Իրանի միջև ստորագրված, 14 կետից բաղկացած շրջանակային համաձայնագիը (փոխըմբռնման հուշագիր)՝ այն դիտարկելով որպես տարածաշրջանային լարվածության նվազեցման քայլ։
Նախարարության հայտարարության մեջ նշվում է, որ Թուրքիան ողջունում է կողմերի միջև ռազմական հակամարտությունների դադարեցման նպատակով ձեռք բերված պայմանավորվածությունը և հույս ունի, որ այն կնպաստի Մերձավոր Արևելքում երկարաժամկետ խաղաղության, անվտանգության և կայունության հաստատմանը։
Միաժամանակ ընդգծվել է, որ Թուրքիան շարունակում է իր տարածաշրջանային քաղաքականությունը՝ հիմնված խաղաղության և կայունության պահպանման վրա՝ աջակցելով խնդիրների լուծմանը դիվանագիտության և երկխոսության միջոցով։
Հայտարարության մեջ շեշտվել է նաև, որ անհրաժեշտ է բոլոր կողմերի զսպվածությունը, պատասխանատվությունը և ողջամիտ մոտեցումը՝ պահպանելու համաձայնագիրը և կանխելու հնարավոր սադրանքները։
Հայտարարության մեջ հատուկ ուշադրություն է դարձվել Հորմուզի նեղուցի զարգացումներին՝ ընդգծելով, որ էներգետիկ անվտանգության, ծովային առևտրի և նավարկության ազատության ապահովումը ունի գլոբալ կարևորություն։
Թուրքիան հայտարարել է, որ պատրաստ է միջազգային իրավունքի շրջանակում աջակցել այս ուղղությամբ իրականացվող ցանկացած նախաձեռնության։
Աղբյուր՝ Ermenihaber.am
