Էրդողանը շնորհավորել է Պուտինին 73-ամյակի առթիվ

Թուրքիայի նախագահ Ռեջեփ Թայիփ Էրդողանը հեռախոսազրույց է ունեցել ՌԴ նախագահ Վլադիմիր Պուտինի հետ։

Թուրքիայի նախագահականի հանրային կապերի վարչության հայտարարության համաձայն՝ կողմերը քննարկել են երկկողմ հարաբերություններին, տարածաշրջանին, ինչպես նաև համաշխարհային զարգացումներին վերաբերող հարցեր։

Էրդողանը հայտնել է, որ Թուրքիան ջանքեր է գործադրում Գազայում հրադադարի հաստատման և այդ հատված հումանիտար օգնություն հասցնելու համար։

Թուրքիայի նախագահը ռուս-ուկրաինական պատերազմն արդար և տևական խաղաղությամբ հանգուցալուծելու համար անհրաժեշտ է համարել դիվանագիտական նախաձեռնություններում առաջընթացի գրանցումը, ինչպես նաև շեշտել, որ Թուրքիան «շարունակելու է աշխատել խաղաղության համար»։

Վերջինս նաև շնորհավորել է Պուտինին 73-ամյակի առթիվ։

Աղբյուր՝ Trt Haber