Թուրքիայի Պերրե անտիկ քաղաքում հսկա մորեխ է նկատվել։ Այն տեսել ու լուսանկարել է լուսանկարիչ Ահմեթ Շեհ Օմերը։ Նա նշել է, որ մորեխն ուշագրավ էր իր մեծ չափերով, երկար ոտքերով և վառ գույներով։
«Հսկա մորեխների մաքսանենգության, որսի կամ գողության փորձի համար նախատեսված պատիժների մասին շրջանառվող վերջին լուրերից հետո, այսօր Պերրեում հանդիպեցի այս անսովոր մորեխին։ Նա գրեթե իմ ձեռքի չափ է։ Ամենամեծ մորեխներից մեկն էր, որ երբևէ անձամբ տեսել եմ»,-գրել է նա։
Նա մորեխին դրել է ափի մեջ ու լուսանկարել։ Դա մեծ տարածում է գտել համացանցում։ Լուսանկարն արվել է բնության գրկում և յուրահատուկ փորձառություն է բնության և լուսանկարչության սիրահարների համար։
Աղբյուր՝ Bursdabugün
