Նոյեմբերի 27-ին Թուրքիայի նախագահ Ռեջեփ Թայիփ Էրդողանն ընդունել էր Հռոմի Պապ Լևոն 14-րդին։ Վերջինիս հետ երկկողմ և ընդլայնված կազմով անցկացված հանդիպումներից հետո կողմերը հանդես են եկել հայտարարություններով։
Էրդողանը, անդրադառնալով Թուրքիայի վարած տարածաշրջանային և գլոբալ քաղաքականությանը, հայտարարել է, որ իրենք շարունակում են դեմ լինել ճնշումներին և ճգնաժամերին։
«Ինչպես 20 տարի առաջ, այսօր ևս մենք պատասխանատվություն ենք կրում մեր շուրջը տեղի ունեցող բախումների, ճգնաժամերի և ճնշումների դեմ պայքարելու համար։ Ընտրելով ոչ թե հեշտը, այլ դժվարը՝ մենք մեր ձեռքը քարի տակ ենք դնում խաղաղության, արդարության և կայունության համար»։
Բացի այդ, Թուրքիայի նախագահն անդրադարձել է Հռոմի պապի հետ ունեցած շփումներին և դրանք որակել արդյունավետ։ Նշել է նաև, որ միմյանց են ներկայացրել համաշխարհային խաղաղության և կայունության ստեղծման հարցում իրենց դիտարկումներն ու ընդհանուր սպասումները։
Աղբյուր՝ Trt Haber
